Hjort i brunst - Strøno 2019

Fekk ein alvorsprat med kronhjort i brunst

Har halde nabolag vaken fleire døgn.

Av: Kjetil Vasby Bruarøy

Hjortejakta er for lengst i gang, og frå slutten av september har det gått mot paringstid.

Du har kanskje høyrd brøla i skogane i Os, om du har gått på tur dei siste dagane?

I Strøno er det fleire som har fått kampen om dei finaste «damene» nesten heilt inn på soverommet sitt.

– Vi er vant med å sjå hjort i hagen, men vi har ikkje hatt bukkar tett på mens dei har vore i brunst før, seier Kjetil Forstrønen.

Fleire netter har han og naboane blitt vekt av brøl, den eine morgonen sto bukken rett utanfor soveromsvindauget hans.

• Sjå òg: Hjorten speler fotball (Skeie, 2014)

Kven er kåtast i Strøno?

Så møtte han ein av dei, ein stor kronhjort, i foreldra sin hage i same nabolag.

– Eg måtte jo ta ein alvorsprat med han, beistet som har vekt oss natt etter natt, seier Kjetil og ler.

• Sjå òg: Filma nesten-kollisjon med hjort (Fanafjellet, 2019)

Brølet er ein sentral del av hjorten sin brunst, både for å skremma vekk rivalar og for å imponera kollene.

Kjetil, som sjølv er fersk hjortejeger, utfordra bukken med brøl, men bukken gav seg ikkje.

Dialogen ser du i videoen over.

Fleire saker