Fekk éin million

Os kommune signerte 18. oktober kjøpekontrakta for Raudlio/Stokkedalen med Statsskog SF. Håpet var at fleire instansar ville vera med på å spleisa på kjøpesummen på 9,3 millionar kroner.

– No har nettopp eit samrøystes fylkesting løyvd éin million kroner, fortel ordførar og fylkestingsrepresentant Terje Søviknes (Frp).

– Det må vi vera nøgde med. Det var innforbi det vi hadde rekna med.

– Ei slik støtte er eigentleg ikkje noko som ligg inne i fylkestinget sine budsjett, så at vi får ei slik løyve utanom er veldig bra.

Jobbar mot Miljødirektoratet

Om mogleg enno meir gler det Søviknes at Fylkesmannen og Fylkeskommunen har starta eit arbeid mot Miljødirektoratet.

– Dei har satt ned ei arbeidsgruppe som skal freiste å få direktoratet på banen for å få drahjelp til å få finansieringa i hamn slik som vi forutsatte i sommar.

– Førebels har det vore sonderingar, men det vil bli fremja ein søknad frå arbeidsgruppa til direktoratet, fortel Søviknes.