Fekk fin omtale

Bildeserie:

1 av 1

Kvart år deler Bergen Journalistlag ut Gullparaplyen, ein pris for god journalistikk det siste året. Årets pris blei delt ut under lagets julebord på Terminus fredag kveld, og den gjekk til BT-journalistane bak barnevernsakane.

Nytt i år var utdeling av fotopris, også denne gjekk til BT, men osingen og BA-fotografen Vidar Langeland gjekk ikkje tomhendt heim.

- Det er ei stund sidan sist eg sendte bidrag til liknande kåringar, men ein kollega oppfordra meg å senda inn bilda frå Nygårdsparken, seier Vidar til Midtsiden.no. Han fekk «hederlig omtale» for bildet.

I sommar var han i felten med nokre vikarar som ville laga sak om narkotikamiljøet i parken, og bildet av ein liggande narkoman fell i smak hos juryen:

«Det er et tett og velkomponert bilde av en narkoman i en situasjon som inviterer til flere tolkninger. Fotoet bryter med den stereotype fremstillingen av narkomane. Et poetisk foto».

- Eg synes dette var stas. Det er mange dyktige fotografar i Bergen, så konkurransen var hard, seier Vidar Langeland.