Fekk førarkortet tilbake

Måndag litt før klokka 16 blei ei ung jente påkøyrd av ein bil ved krysset mellom Drangsvegen og Skjelåsen.

Jenta var bevisst, men blei frakta til sjukehus for sjekk. Politiet tok rutinemessig beslag i førarkortet til mannen som køyrde bilen.

– Han får førarkortet sitt igjen. Vi ser på dette som eit uhell, seier lensmann Oddbjørn Dyrdal.

Det var kraftig motlys på ulykkesstaden.

– Det ser dessutan ut som om det går veldig fint med jenta, ifølgje tilbakemeldingane vi har fått.