Lokal | 22. aug. 2012

Fekk fuktig frisørtime

Flaum i Os: – Ingen av kundane ville gå før dei var ferdig, så dei sat til anklane i vatn til dei var nyfrisert, fortel Lena Stigen Mathisen.

Una og Lena framfor Toppen Frisør som onsdag blei ramma av flaum. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 22. aug. 2012 18:59

Onsdag ettermiddag kom kraftig regn over Os og ein av dei som blei ramma var Toppen Frisør i Os sentrum.

– Vi har ope til klokka 19 om onsdagen så det var to kundar i stolane, fortel frisør Lena Stige Mathisen.

– Og dei blei ikkje skremt av vatnet?

– Kva skal du gjera, du ville ikkje gå ut med ein halv sveis heller, ler Lena, som fortel om kundar som tok av seg på beina og sat fint til hårklippen var perfekt.

– Kva med naboverksemdene?

– Både blomsterbutikken og bokhandelen har høgare golv enn oss, så ingen av dei ser ut til å vera ramma. Men Lundehjørnet skal også ha hatt trøbbel med vatn.

– Sjølv kjem vi neppe til å ha ope i morgon, for det er ein del skade og lukt i salongen sjølv om vatnet no er ute igjen.

Folk frå teknisk eining i Os kommune var på plassen og fekk fart på dreneringa på torget.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.