Marianne Holmefjord er glad for at gorillaen «Gustav» er tilbake på plassen sin utanfor butikken. (Foto: KVB)
Marianne Holmefjord er glad for at gorillaen «Gustav» er tilbake på plassen sin utanfor butikken. (Foto: KVB)

Fekk gorillaskulpturen tilbake

– Han e' ikkje så langt vekke, var beskjeden eg fekk, seier ei letta og lykkeleg Marianne Holmefjord.

Kjetil Vasby Bruarøy
26. juni 2018 - 10:42

Ho blei skuffa og trist, innehavar av Os Blomsterservice, då ho tysdag morgon oppdaga at gorillaskulpturen hennar var vekke.

Men kort tid etter at Midtsiden publiserte sak om tjuveri av gorilla og hærverk og tjuveri ho Havnechefen, dukka gorillaen opp igjen.

– Sælen frå Jernia kom innom og sa at den ikkje var så langt vekke. Dei hadde funne den mellom noko papp og paller bak butikken, seier Marianne om naboverksemda.

Skulpturen var altså berre flytta 20-30 meter.

– Vi håpte at den ikkje var flytta langt, og var i Baronselvo og såg. Det har hendt at nokon har tatt ting frå butikken og kasta i elva før, sjølv om utstillinga stort sett har fått stå i fred.

– No er vi berre glade for å ha fått «Gustav» tilbake. Men vi håper folk held seg unna den i framtida. Den har fått nokre skrammer, og det er ein kostbar skulptur.

 

 

Les meir om

Lokal Politi