Fekk hjelp i åtte dagar

Dei tre siste dagane tok den ikkje til seg næring. Så reiste den seg.

Knopsvanehoa blei liggande i stallen til Åse Tveit gjennom nyttårshelga. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 03. jan. 2022 13:26

Andre juledag blei ei skadd knopsvane henta av Bjørnafjorden brann og redning etter tips frå turgåarar i Lysefjorden.

Den enda til slutt hos Svanehjelpen, som i utgangspunktet mater og hjelper svaneparet i Oselvo.

Åse Tveit måtte rydda stallen sin då brannvesenet brått trengte å omplassera ei svane. (Foto: Kjetil Vasby Bruarøy)
Les ògFekk uventa romjulsbesøk

– Svana fekk god hjelp av både lokal veterinær og hos ekspertrise over telefon. Foten var skadd, men ikkje broten, fortel Åse.

Ho mata med grovt brød og spinat, men etter fem dagar tok den ikkje lenger til seg mat.

– Heldigvis reiste den seg og byrja å gå på foten som tidlegare var skadd. Men eg var uroa for det manglande næringsinntaket.

Nyttårsaftan dekka Åse til vindauget i stallen, tok med radio og sette seg med fuglen, så den ikkje skulle bli skremt.

– I går bestemte vi oss for å setja svana ut igjen til maken i Pøylo i Lysefjorden.

Der blei det i går eit gledeleg gjensyn. Før Åse gjekk frå staden såg ho at svana både spaserte fint på land, og at ho åt godt.

Åse takkar veterinær Eva Kristin Lunde frå Os Dyreklinikk, som kom og sjekka svana, Thomas Øyo og Arild Breistøl for god hjelp over telefon, og viltkontakt Espen Krüger Andersen for praktisk assistanse med å få svana ut i naturen igjen.

– Vel heime fekk eg telefon frå nokon på Søre Neset som hadde fått ein skremt svaneunge heim i hagen, så då var det ut igjen.

– Vi fekk den ned til sjøen. Eg veit ikkje om den er skremt av fyrverkeri eller jaga vekk av faren, men den såg ut til å slå seg til ro då den kom seg til sjøen igjen.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.