Fekk ikkje lov å kommentera isen
Lesarinnlegg: Eg håper ikkje dette er representativt for Ata/Kaien si kundebehandling!
Dottera til sambuaren min og eg skulle testa ut Ata, nye Kaien restaurant, med kvar sin soft-is, men opplevde ei kundebehandling eg aldri har sett makan til.
At softismaskina gjekk tom etter berre éin is er nok sånt som kan skje. Då eg og jentungen kommenterte dette til kvarandre så fekk me høglydt beskjed frå sjefen der om at me heller måtte klaga direkte til han enn å kommentera til kvarandre.
Han gjekk mot oss med høg røyst og dette var sjølvsagt skremmande for ungen (10 år).
Då eg sa ifrå om at han ikkje kunne snakka til kundane på denne måten så prøvde han å gå inn i ein diskusjon med meg. Han skjelte i tillegg ut den tilsette som hadde laga isen medan me høyrde på, og sa til meg at han "ikkje hadde peiling".
Eg tok med meg jenta og gjekk. Alle kan ha dårlige dagar men slikt som dette skal IKKJE forekoma.
For Ata/Kaien sin del håper eg verkelig ikkje at dette er representativt for kundebehandlinga deira.
Elisabeth
Les òg: – Vi treng litt tid(Ata Hassan svarer på kritikken)