Sport | 11. juli 2016

Fekk instruksjon i verdsklasse

Arthur Kottas-Heldenberg har jobba som instruktør på Den spanske hoffrideskolen i Wien i 22 år. I førre veke var han på Moldegaard.

Fekk instruksjon i verdsklasse
Klubben takkar Ragnhild Kyrkjebø for at ho fekk Arthur Kottas-Heldenberg til Os og Moldegaard. Innfelt er eit eldre bilde av Arthur. (Privat foto)
Kjetil Vasby Bruarøy
Kjetil Vasby Bruarøymandag 11. juli 2016 12:31

Bildeserie:

Arthur tok seg god tid med både ryttarar og publikum.
Arthur tok seg god tid med både ryttarar og publikum.
Arthur saman med Ragnhild Kyrkjebø på Moldegaard førre veke.
Arthur saman med Ragnhild Kyrkjebø på Moldegaard førre veke.
1 av 2
Arthur tok seg god tid med både ryttarar og publikum.
Arthur saman med Ragnhild Kyrkjebø på Moldegaard førre veke.

Moldegaard Ryttersporsklubb hadde onsdag og torsdag besøk av Arthur Kottas-Heldenberg.

Kottas-Heldenberg er internasjonal trenar, dressurdommar og forfattar av bøkene «Kottas on Dressage» og «Dressage Solutions; A Rider's Guide».

Han har jobba 42 år ved ein av dei mest prestisjefulle institusjonane innan klassisk ridekunst, «Spanische Hofreitschule» (den spanske hoffrideskolen), dei siste 8 som «First Chief Rider».

– I dag reiser han rundt i verda og underviser på høgt, internasjonalt nivå. Han kom no frå England og skulle vidare til Hamburg, og vi hadde ryttarar som reiste frå Stavanger til Os for å få med seg desse to dagane med Arthur, fortel Iril Ulvøen frå Moldegaard Ryttersporsklubb.

– Tok seg god tid

Den spanske rideskule blei etablert i 1572 og hadde ansvar for rideopplæringen ved hoffet. Etter at Østerrike blei republikk i 1918 blei skulen opna for andre.

Skulen bruker lipizzaner-hestar og har fått namnet sitt etter dei spanske hestane. Dei blir trent etter prinsippa i klassisk ridekunst.

– Eg ser alltid hesten som ein partnar. Han må trenast langsamt og med tolmod, sa Kottas-Heldenberg.

Dei frammøtte følgte nøye med.

– Han var ein veldig inspirerande instruktør og tok seg god tid både med ryttarane og med publikum, fortel Iril.

– Det er ikkje ofte vi får høve til å bli undervist av ein person med så solid erfaring og utdanning som Arthur Kottas-Heldenberg, vi takka Os-jenta Ragnhild Kyrkjebø for at ho fekk han til Moldegaard.

Spennande? Vil du ha ukas høgdepunkt i innboksen?

Les meir om

Hald deg oppdatert med Midtsiden

Få tilgang til alt innhald frå Midtsiden-redaksjonen. Som abonnent hjelper du oss på veg til å kunna dekka endå meir av det som skjer i Os!

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.