Fekk breiband i dag: – No blir sommaren fin uansett vêr

Merkedag i Sørstrøno.

Nora og Henrik har hatt ein vår på treg heimeskule. I dag fekk dei endeleg fart på nettet. Då heiste pappa flagget.
Kjetil Vasby Bruarøy
Kjetil Vasby Bruarøysøndag 31. mai 2020 22:34

I 2018 fekk sørstrøningane håp om støtte til breibandutbygging, i fjor blei det stadfesta; Bergen Fiber ville legga fiber i mai 2020.

Månadane fram mot mai gjekk sakte, spesielt for dei som sat på korona-heimeskule denne våren - på kopelinje med under 5 Mbits fart. 4G-dekninga er dårleg i krinsen.

Nora (10. klasse) og broren Henrik (7. klasse) måtte stå ekstra tidleg opp for å lasta ned vekeplanen om morgonen, før nettet blei for tregt. Fleire lekser klarte dei ikkje å levera grunna den dårlege internettfarten.

Så kom mai. Bergen Fiber klarte fristen, med knappast mogleg margin, etter å ha tatt pinsehelga til hjelp.

– Vi har ikkje vore utolmodige, vi har berre gledd oss, seier Sondre Versto.

God stemning og god fart

– Folka frå BKK har jobba som maur, og dei seier dei aldri før har vore med på å få så mange skulderklapp, kakestykker og kaffi mens dei har vore på jobb som desse vekene.

No er 53 abonnentar kopla på. Nokre kom på nett i går kveld, andre i dag.

– Kva blir første serie du skal sjå?

– Eg veit ikkje, men det har opna seg ei heilt ny verd! No har vi over 500 i fart på både opplasting og nedlasting.

– Sjølv om det blir heimesommar i år, så gjer det ingenting for oss i Sørstrøno om det blir dårleg vêr!

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.