Fekk melding om bål - var velta traktor i full fyr

Måndag klokka 18.50 kom det melding om mogleg ulovleg bål på Særvoll.

Så kom meldingar frå folk som var nærmare, som fortalte at det var full fyr i ein traktor.

– Traktoren låg på sida då vi kom fram. Den var nesten heilt utbrent, men dekka brann framleis godt, fortel Martin Østgulen Svendsen frå Bjørnafjorden brann og redning.

Det har vore tørt lenge, og brannen var rett før dei største regnbygene måndag kveld.

– Det var ikkje fare for spreiing til verken bygg eller terreng, og sløkkearbeidet gjekk greit.

Politiet var også på staden.

– Ingen blei skadd i brannen. Det er framleis ukjent korleis den starta. Vi har oppretta sak, seier politioverbetjent Atle Birkeland.