Fekk melding om folk på islagt vatn
... i tillegg kom melding om «mann til sjenanse» i ein undergrunn nord for Os sentrum.


Fredag morgon i 08-tida fekk politiet melding om ein mann som var til sjenanse i ein undergrunn nord for Os sentrum.
– Vedkomande skal blant anna ha blese røyk mot ungar som gjekk forbi, fortel vakthavande ved Bjørnafjorden politistasjon.
Det står ikkje nemnt om det var kulverten ved AMFI Os eller den ved Tøsdalsskiftet.
– Ein patrulje rykte ut, men då var vedkomande vekke.
Søndag i 13-tida fekk politiet melding om tre personar som var på isen på eit vatn på Søfteland.
– Det skal ha vore éin vaksen og to ungar. Det blei ikkje iverksett noko frå politiet si side.
Kommunen organiserer ikkje lenger måling eller skilting av islagt vatn. Kvar og éin er uansett ansvarleg ved ferdsle på is.