Fekk melding om «lusking» og tjuveri frå bedrift
Politiet fortel om ei ganske roleg helg i Os.
Måndag morgon klokka 07.46 fekk politiet melding om eit mindre tjuveri frå ei bedrift i Os, opplyser vakthavande ved Bjørnafjorden politistasjon, utan å skriva kva som er stole.
– Har det skjedd i opningstida til bedrifta?
– Nei, det er varer som sto utanfor. Tjuveriet har truleg skjedd i løpet av natta.
Søndag i 09-tida fekk politiet melding om lusking i ein privat hage nær Os sentrum.
– Det skal ha skjedd i 08-tida. Vedkomande blei ikkje funnen.
Tidlegare søndag morgon, litt før klokka 06, fekk politiet klage på høg musikk frå ei adresse sør for Os sentrum.
– Ein patrulje køyrde ut til adressa og gav pålegg om å dempa musikken.
Laurdag kveld, frå cirka 21.30 til 23.15, hadde UP fartskontroll i 100-sona på E39 i Endalausmarka.
Dei fann ikkje noko å reagera på.
