Fekk melding om sykkeluhell, mogleg elsykkel-promille og farleg parkering
Reagerte på parkering på Søre Neset og syklist med 6-pakning på Hatvikvegen.
Tysdag klokka 20.16 fekkpolitiet melding om ei sykkelulykke i Nedre Varåsen.
– Det skal ha vore ei singelulykke på tråsykkel. Ambulanse overtok oppdraget, seier politioverbetjent Anne Lyssand.
Tidlegare tysdag, klokka 15.55, fekk politiet melding om ein mann på el-sykkel som sykla frå Hatvik ferjekai mot Os.
– Meldar meinte han var til fare for seg sjølv og andre, og skal blant anna ha hatt ein 6-pakning med øl på sykkelen.
Politiet hadde ikkje kapasitet til å undersøka saka nærmare.
I 18-tida tysdag fekk politiet melding om uforsvarleg parkering ved idrettsanlegget og skulen i Halhjemsmarka.
– Det skal ha vore ekstra mange bilar der, i samband med ein fotballkamp. Nokre av dei var parkert på fortau, så ungar og andre måtte ut i bilvegen for å passera.
Politiet hadde ikkje kapasitet til å senda patrulje til staden.