Lokal | 16. nov. 2017

Fekk ny minibuss

Os Røde Kors fekk i dag ny minibuss som styrker beredskapen og utvidar omsorgstilbudet.

Fekk ny minibuss
Atle Vågstøl, Nina Solvår Sælen og Kristian Strønen fekk torsdag overlevert den nye bussen frå Frode Rikstad ved Møller Bil Bergen (foto: Kjetil Vasby Bruarøy)
Andris Hamretorsdag 16. nov. 2017 14:26

Bildeserie:

Bussen har plass til to rullestolar (foto: KVB)
Bussen har plass til to rullestolar (foto: KVB)
Godt med seteplass og sjølvsagt både førstehjelpsskrin og hjartestartar (foto: KVB)
Godt med seteplass og sjølvsagt både førstehjelpsskrin og hjartestartar (foto: KVB)
Godt utvendig arbeidslys gjer bussen til eit godt verktøy i beredskapsarbeidet (foto: KVB)
Godt utvendig arbeidslys gjer bussen til eit godt verktøy i beredskapsarbeidet (foto: KVB)
1 av 3
Bussen har plass til to rullestolar (foto: KVB)
Godt med seteplass og sjølvsagt både førstehjelpsskrin og hjartestartar (foto: KVB)
Godt utvendig arbeidslys gjer bussen til eit godt verktøy i beredskapsarbeidet (foto: KVB)

Torsdag ettermiddag overleverte salgssjef Frode Rikstad frå Møller Bil Bergen AS den nye minibussen til leiar i Os Røde Kors, Nina Solvår Sælen.

Bussen, ein VW Crafter, er ein firehjulstrekker med plass til to rullestoler og har kapasitet til å trekka ein tilhengar på inntil tre tonn. Den er dieseldriven med 177 HK. Bussen er òg godt utstyrt med utvendige arbeidslys, 230 volts uttak, ekstra varmeapparat og ein veldig fleksibel innleiing. Bussen har Røde Kors kjøpt med tilskot frå Moldegaardfondet.

– Den nye bussen vil vera eit kjærkomment tilskot, både for å auke beredskapen og for å utvida omsorgstilbudet til Røde Kors, seier Solvår Sælen.

Første i sitt slag

Under overrekkinga ved Røde Kors huset fortalde Rikstad at bussen Os Røde Kors no fekk er den første i sitt slag.

– Bergen kommune har bestilt fleire av same sorten, men Os Røde Kors var den første som bestilte den nye typen og er dei einaste som har ein slik beredskapsbil no.

Større kapasitet

Os Røde Kors har det siste året styrka beredskapen på fleire områder. Først då Fløysand Invest saman med gode samarbeidspartnarar gav hjelpekorpset ein ny ATV med hengar og sist då Grieg Foundation stilte midler til råde slik at hjelpekorpset kunne kjøpa seg ein varmesøkende kikkert til bruk i søk etter sakna personer.

– Den nye bussen vil hjelpa oss ytterlegare med beredskapen. Den vil ha god framkommelegheit og gjera det enklare å transportera personell og utstyr som ATV-en og gummibåt.

– Den vil òg gje oss større kapasitet ved evakuering og større hendingar i samband med beredskapsavtalen vi har med Os kommune. Ikkje minst så vil den kunne fungera som ein framskutt kommandosentral med varme, lys og moglegheit for utskrift av kart og liknande ved lengre operasjonar. Den vil òg vera eit godt synleg og ein praktisk arbeidsplass på sanitetsvakter.

Bilen er også utstyrt med hjartestartar.

I samband med Røde Kors sine omsorgsaktiviteter vil bussen kunne gje eit tilbod til personer med rullestolbehov som besøksvennene har avtale med og til barn som deltek i Barnas Røde Kors (BARK).

– Bussen gjer at vi vil kunne ta med personar på tur, både i regi av Besøkstenesten og BARK.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.