Måndag kveld kjørte ein trailer i grøfta ved parkeringsplassen til Rolls Royce på Ulven.
Sjåføren fekk bilen laus igjen, men så kom politiet.
– Han blei meldt for kjøring på sommardekk og fekk kjøreforbod fram til han anten hadde betre dekk eller til føret blei betre, fortalte politibetjent Kenneth Rastad til Midtsiden måndag kveld.
I dag har juristen vurdert saka og gjeve den polske sjåføren eit forelegg på 11.000 kroner.
– Sidan føret var betre i dag kunne vi ikkje tvinga han til å skifta dekk, men vi ville ikkje sleppa han avgarde før forelegget var betalt, seier Rastad tysdag.
Men føraren betalte kontant og kjørte frå staden.
– No får vi håpa han tar på kjettingar om han møter meir vinterføre der han skal.