Fekk tips om ruskøyring - oppsøkte mistenkte

Klokka 05.25 torsdag morgon fekk politiet tips om mogleg køyring i rusa tilstand.

Patruljen rakk ikkje å stoppa bilen, men oppsøkte adressa der bilen blei parkert.

– Mistenkte, ei kvinne i 30-åra, erkjente ikkje å ha køyrd bilen, fortel politioverbetjent Anne Lyssand.

Kvinna har heller ikkje førarkort,men er framleis mistenkt.

– Ho blei tatt med til legevakt for blodprøve, og sak er oppretta.

Politiet vil foreløpig ikkje gå ut med kvar bilen køyrde, eller blei parkert, av omsyn til etterforskinga.