Lokal | 02. mars 2012
Fem dagar utan regn
Slutten på vinterferien blir fin. Det blir også starten på veka.
Kjetil Vasby Bruarøyfredag 02. mars 2012 08:46
I dag er det skyfri himmel over Os, rett under frysepunktet og nærmast vindstille.
Vêret i fjella rundt Os er mykje likt, 2 plussgradar, flau vind og lettskya.
Sånn skal det også halda seg gjennom laurdag, truleg med litt tettare skydekke.
Søndag er det venta overskya og opphaldsvêr i Os, overskya og 0,8 mm med snø i Eikedalen.
Måndag og tysdag skal bli som laurdag, lettskya og opphaldsvêr. Det er ikkje meldt nedbør i Os før onsdag.