Fem fekk gullklokke

Torsdag 29. november hadde Inwido Norge "kickoff" på Clarion Hotel Flesland. Inwido Norge eig Lyssand Treindustri i Os i tillegg til Frekhaug Vinduet AS og Diplomat Norge AS.

Under middagen blei fleire jubilantar hylla for lang og tru teneste. 25-årsjubilantane fekk gullklokke, 30-årsjubilantane fekk medalje frå Kongens vel.

Egil Lyssand (63), som har jobba for Lyssand Treindustri i 40 år, fekk ein skulptur av kunstnar Arne Mæland.

– Eg har aldri vurdert å byta jobb, seier Egil til Midtsiden.

Mange roller - same trivsel

Det var onkelen Nils Lyssand som grunnla fabrikken i 1947, og fetteren Mons Tore som rekrutterte den 23 år gamle Egil inn i firmaet i 1972.

– Eg var lastebilsjåfør frå før, og byrja som sjåfør også i den nye jobben.

Sidan har han vore både lagersjef, formann, fabrikksjef og jobba med innkjøp og kundeservice. No er han formann på maskinavdelinga.

– Det har vore fleire harde tak. Vi har stått på når vi har vore under streken og fått igjen for det når vi har vore over streken. Eit godt arbeidsmiljø gjer at trivselen framleis er på topp, seier 63-åringen.

Her er jubilantane:

25 år i Lyssand Treindustri AS
Gunn Nåmdal Røen
Elisabeth Dale Dalland
Margrethe Hjartåker

25 år i Frekhaug Vinduet AS
Endre Andersen
Svein Hopsdal

30 år Lyssand Treindustri AS
Jørgen Risøen
Kjell Markhus

40 år i Lyssand Treindustri
Egil Lyssand