Hairspray - Nore Neset ungdomsskule 2017

Fengslande show på Nore Neset

100 elevar byr på musikalen «Hairspray» fire kveldar på rad. Sjå 10 minutt av det som var nest siste framsyning.

image
image
image
image
image
image
image
image
image
image
image
image
image
Av: Kjetil Vasby Bruarøy

Elevar frå alle trinn, 8. til 10. klasse, er representerte når Nore Neset ungdomsskule si valfag-gruppe «sal og scene» inviterer til musikalen «Hairspray».

Skal du sjå siste framsyning, som går torsdag kveld? Du kan du venta med å sjå videoen over.

– Ikkje eit enkelt stykke

Det er dei engasjerte musikklærarane Anne Leni Sæbø Søfteland og Terje Neset som set opp Hairspray med elevar for andre gong.

– Det er ikkje eit enkelt stykke, verken for vokalistane eller dei på instrument. Denne gong har vi blåsarar med oss òg, tre flinke korpsmusikantar, og Josefine Bøe på gitar. Alle er elevar ved skulen, fortel Anne Leni og Terje.

Sist gong dei øvde inn Hairspray med elevar var i 2012.

• Sjå bildeserie og video: Tok Symrasalen med storm

Låta «In the Ghetto» er tatt inn som tillegg, då Neset synest denne passar godt saman med arresten av dei somgår i protest-tog. Også på slutten fekk vi eit ekstranummer, då ein av elevane hadde bursdag onsdag blei showet runda av med allsong.

Gode solistar

Også denne gong har dei hatt ei rekkje svært flinke solistar å jobba med, ikkje minst Martine Frotveit Johnsen i hovudrolla som Tracy, Tom André Larsen som Link, Xamina Jørgensen, Thea Haugland, Tori Saltnes og Thea Eidsvåg - i tillegg til gode kor og song-grupper. Ola Brunvatne er ypperleg som Tracy si mor!

Mens Anne Leni har jobba kveld og natt med å arrangera musikken har Terje tatt regi og manus.

Resultatet er at alle dei 100 elevane er samkøyrde, dialogen, dansen og overgangane er tight, historia blir fortalt og alle får vist seg godt fram. Trappa ved kantina i den opne foajeen fungerer svært godt som scene - publikum kjem tett på og alle er godt synlege.

Nomert til tre Golden Globe

Hairspray er ein amerikansk musikal-film frå 2007, basert på ein musikal med same tittel frå 1988, med blant andre John Travolta, Michelle Pfeiffer, Christopher Walken, Amanda Bynes og Zac Efron i hovudrollene.

Handlinga utspeler seg i Baltimore i 1962, i kampen mot raseskilje, der tenåringsjenta Tracy Turnblad ønskjer å vera med i dansegruppa ved skulen, for å sjarmera hovuddansar Link.

Filmen blei nomert til tre Golden Globe-prisar.

Fleire saker