Lokal | 12. feb. 2019

«Feriebilen» tok fyr

– Eg brukte lang tid på å finna bil, og kjøpte denne for to veker sidan, fortviler eigar.

«Feriebilen» tok fyr
Flammane sto ut av motorrommet då brannvesenet kom fram til Storum i dag. (Foto: KVB)
Kjetil Vasby Bruarøy
Kjetil Vasby Bruarøytirsdag 12. feb. 2019 09:27

Bildeserie:

Brannen spreidde seg heldigvis ikkje til båten ved sidan av. (Foto: KVB)
Brannen spreidde seg heldigvis ikkje til båten ved sidan av. (Foto: KVB)
Bilen var godkjent og kjøpt i januar. (Foto: KVB)
Bilen var godkjent og kjøpt i januar. (Foto: KVB)
1 av 2
Brannen spreidde seg heldigvis ikkje til båten ved sidan av. (Foto: KVB)
Bilen var godkjent og kjøpt i januar. (Foto: KVB)

Tysdag klokka 09.18 rykte brannvesen og politi ut på melding om bilbrann på Storum.

Ein VW Caravelle hadde byrja å brenna. Det var ikkje fare for spreiing til bygningar, men bilen sto parkert ved sidan av ein båt på hengar.

– Flammane sto ut av motorrommet og ut av hjulbogane då vi kom fram, men det gjekk ikkje lang tid å sløkka brannen, seier utrykkingsleiar Gitle Smaadal.

Nykjøpt bruktbil

Bileigar fortel at bilen sto og gjekk då han gjekk inn i huset for å henta nokre klede. Då han kom ut igjen såg han røyken.

– Først trudde eg det var dieselvarmaren, men så såg eg at det var noko meir. Eg sprang opp for å sløkka motoren, men den var allereie av. Eg tok av tenninga og henta sløkkeutstyr som eg brukte fram til brannvesenet var her.

Ingen blei skadd, men motorrommet er utbrent.

– Eg kjøpte bilen for to veker sidan, etter å ha sett på bil i lang tid. Denne var den teknisk beste bruktbilen eg fann, og den var EU-godkjent i januar.

– Vi hadde tenkt å bruka den til ein ferietur i Europa til sommaren, fortviler bileigar.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.