Ferje fekk tau i propellen

Bildeserie:

1 av 3

Onsdag klokka 14.37 kansellerte FosenNamsos alle avgangar med MF «Selbjørnsfjord» mellom Halhjem og Våge grunna tekniske problem.

Problemet var tau i propellen.

– Det var eit tjukt tau og ei lastestropp som hadde tvinna seg rundt propellen, fortel varabrannsjef Arne Monsen.

Os brannvesen stilte med sag og fekk fjerna tau og lastestropp før klokka 18.

Ferja var i drift igjen frå Halhjem klokka 19.40 på ein dag der trafikken normalt er høg grunna kristi himmelfartsdag torsdag.

Vanleg trugsel

Ferjetrafikken har vore truga av drivgods ei rekkje gangar. I 2016 låg ei heil brygge på rek, to gongar på éi veke i januar 2017 var brannvesenet ute og fjerna drivgods og tau i innseglinga til Halhjem.

Den same veka måtte dei kutta ting laus eit plastrør propellen på Tysnesferja.

Hausten 2018 skapte hummarteiner fare for ferjetrafikken, i februar i år gjorde eit langt, flytande plastrør skade på ein fritidsbåt utanfor Halhjem (sjå bilde i serien over).