Fersk kommunalsjef har sagt seg opp

Jarle Kvalvik får berre seks månadar i Bjørnafjorden kommune.

Jarle Kvalvik. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 19. mai 2020 11:58

Kommunalsjef for samfunnsutvikling i Bjørnafjorden kommune, Jarle Kvalvik, har fått ny jobb, skriv kommunen på sine heimesider i dag.

I haust blei det kjent at Kvalvik fekk jobben som kommunalsjef for samfunnsutvikling i Bjørnafjorden kommune. Han starta i jobben 2. januar, 29. januar presenterte han seg for plan- og bygningsutvalet.

Han blir verande i Bjørnafjorden kommune fram til sommarferien.

Kvalvik blir no driftsdirektør i Statsbygg.

– Dette er ein jobb som eg har ønskt meg, og eg føler meg privilegert no når sjansen blei ein realitet. Denne jobben gir meg moglegheit til å påverke fagområdet mitt på nasjonalt nivå.

– Det er diverre umogleg å føresjå akkurat når jobbar blir ledige, og det er vemodig å forlate desse fantastisk gode kollegaene eg har fått i Bjørnafjorden kommune, seier den avtroppande kommunalsjefen til bjornafjorden.kommune.no.

Midtsiden har ikkje lykkast i å nå Kvalvik.

– Jarle informerte meg måndag om at han har fått tilbod om, og takka ja til, stillinga som driftsdirektør i Statsbygg. Eg er glad på Jarle og Statsbygg sine vegner, og beklager at vi ikkje fekk nytte av Jarle sin kompetanse i lengre tid, seier kommunedirektør i Bjørnafjorden, Christian Fredrik Fotland.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.