Festa i tau - ser ut som ein hund

Laurdag i 14.30-tida blei eit dødt dyr funnen i sjøen ved Sandholmane.

– Vi var på badetur, og såg måsar stadig var bortom ein plass eit stykke unna.

– Då vi skulle heim, bestemte vi oss for å undersøkja kva det var, fortel ein innringar til redaksjonen.

Ho såg det var eit dyr, og at det såg ut til å vera festa i eit tau som går vidare ned til botnen.

– Det kan sjå ut som ein litt stor hund, men det er neppe ein hjort.

– Vi har vore her ein del i sommar, men ikkje dei to siste vekene. Dette må ha skjedd no i juli.

Brannvesenet kjente ikkje til dyret då Midtsiden tok kontakt, men vil ut og sjå på det.

OPPDATERT: Brannvesenet er einig, skrotten ser ikkje ut som ein hjort, men det er heller ikkje ein hund. Dyret har klauvar, og er kanskje ei geit. Dyret var heller ikkje festa i eit tau, men i tang.

– Vi fekk ikkje skrotten med oss, den gjekk i oppløysing då vi tok i den. Den smuldrar nok fort opp og forsvinn.