Lokal | 18. juni 2010

Festlege 33 fot

Stove, bad, innlagt straum og takterrasse på 40 kvadratmeter, «Vikingfjord» er nesten klar for jomfrutur.

Festlege 33 fot
Kjetil Vasby Bruarøy
Kjetil Vasby Bruarøyfredag 18. juni 2010 08:40

Bildeserie:

1 av 7

Ein kameratgjeng frå Os er snart i mål med ein flåte på 50 kvadratmeter. Os har hatt sine partycats før, men denne katamaranflåten blir noko for seg sjølv.

- Det er kjekt med ein slik samlingsplass, ligga på fjorden eller ved ei bryggje og få besøk av folk i småbåtar, bada, stå på vannski og slappe av, seier båtbyggarane.

Oppdrift på 14 tonn
Flåten har 12 eigarar, og desse har brukt lang tid på planlegging og bygging.

- Vi hadde mange møter før vi starta, der vi planla både dimensjonar og finesser.

Pontongane er produsert av Hordaland Rørteknikk AS i Holmefjord og festa til ei galvanisert stålramme. Blant eigarane er det både tømrarar, elektrikarar, maskinist og ingeniør, og eigarane har gjort alt arbeidet sjølv, ved ei provisorisk brygge ved Brattholmen i Søre Øyane.

- Flåten har ei oppdrift på 14 tonn, men med cirka 7 tonn med materialar oppå har vi funne ut at vi vil supplera med nok ein pontong på midten.

Tryggleik i fokus
Før flåtebygginga starta tok eigarane kontakt med Sjøfartsdirektoratet.

- Vi ville sjekka kva som er lov og ikkje. Dei sa at så lenge vi held oss under 50 tonn vekt på flåten så treng den ikkje å klassifisera den. Så vi kunne bygga den som vi vil.

Sånne flåtar fungerer ofte som magnet på politibåtar, men eigarane har planar om å ha alt på stell.

- Vi har redningsflåte og 20 redningsvestar om bord, og kjem alltid til å ha edru og sertifisert båtførar. Dessutan har vi no ei stove som vi kan trekkja inn i for ikkje å plaga andre med musikk eller støy.

Straum og septik
«Vikingfjord» blir namnet på flåten, som får både innlagt straum (12V og 220V), eige flislagt bad med toalett og septiktank, stove, teknisk rom og stor takterrasse.

Flåten får spotlys i taket, både i stova og i utstikket rundt hytta.

Lengd: 10 meter (32,8 fot)
Breidd: 5,10 meter
Motor: Lagt opp til to påhengsmotorar. Førebels har dei ein 85 hk
Hytte med stove, teknisk rom og bad: 7 x 4 meter
Takterrasse med trapp: cirka 40 kvm

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.