Tommelen opp for Solbakken Salongfestival. Kurt Olav Helle (t.v) saman med arrangørane Vidar og Ole Henning. (Foto: Lilly-Mae Grønvigh)  

Filmfestival i miniatyr

Dag to av Solbakken Salongfestival vart ein dag med filmar om cowboyar, leigemordarar og kaninar.

image
image
image
image
image
Av: Kjetil Osablod Grønvigh

Tekst og foto: Lilly-Mae Grønvigh

Den andre dagen av Solbakken Salongfestival, laga av same gjengen som WT Os Internasjonale Filmfestival, starta dagen med ein filmfest for dei minste.

Publikum fekk sjå animasjonsfilmane «Bædi og Børdi» (2018), «Rallskanken» (2013) og klassikaren «Big Buck Bunny» (2008).

Ungane, og det var ei god røys av dei, fekk forsyna seg av gratis snacks og drikke.

• Les òg: Barnefilm, granitt og comeback

Fersk film om granitt

Etter barnefilmfestivalen blei det visning av video fra Os Granittsymposium 2019.

Denne hadde Ole-Henning Bøe fått i oppgåve å redigera, noko som blei gjort natta før filmfestivalen. Trass i ei noko kort deadline, blei videoen ein flott minidokumentar om korleis det var bak kulissane på symposiet.

– Det var veldig kjekt å få følgja skulptursymposiet, og laga små snuttar, sa Bøe til publikum før visninga.

Tre korte

Festivalen heldt fram med tre kortfilmar.

Først ut var «Stryk i Brekk» (2016), regissert av Anders Teig, med Calle Hellevang-Larsen i hovudrolla.

Dette var ein mørk komedie om eit par kriminelle, og eit par uhell med fatale konsekvensar.

Deretter viste festivalen «Dead End 2» (2019), ein litt lengre kortfilm.

Dette er oppfølgjaren til «Dead End», som blei vist på festivalen i fjor. I oppfølgjaren møter vi to leigemordarar som er hyra inn mot mennesketrafikk i Hong Kong. Filmen er fullpakka av action og spenning.

Siste kortfilm ut var «Heim» (2018), eit moderne og poetisk eventyr om å finna ein heim, og å finne vegen tilbake til det vi ein var. 

Kule Kurt i salen

I tre-tida var det på tide å visa to filmar laga av Pål Wisents, «Kule Kurt - 2» (2019) og «Gåten Christina» (2019).

Begge desse filmane har blitt vist på Bergen Internasjonale Filmfestival tidlegare i haust.  

Til stades i publikum var cowboyen, medievitaren og filmstjerna, Kurt Olav Helle (merk deg namnet!).

Dokumentaren om Kurt handlar om hans reise til Hollywood.

Sjølv om han har Parkinson’s med spredning til beina, går Kule Kurt sjølvsikkert gjennom Los Angeles; han har nemleg eit filmprosjekt som må seljast. Derimot tar det heile ei musikalsk omvending då han møter på ein av kameratane frå studietida. 

Etter visninga av filmen var det full applaus i salongen, og utanfor møtte Kurt publikum og presse - nett som ei Hollywood-stjerne. 

Og var stjerna nøgd med visninga?

– Det er mykje bedre kvalitet her enn i Bergen kino, kunne Kule Kurt fortelja. 

Fleire saker