Fine dagar - feit fangst

Programmet var tett og variert og fangsten var fantastisk under årets maritime veke ved Søre Øyane skule.

Jonas og Mikael frå 3. klasse med ein av fleire fine torskar elevane fekk tidlegare i veka. (Foto: Søre Øyane skule)
Kjetil Vasby Bruarøy
Kjetil Vasby Bruarøyonsdag 16. mai 2012 11:18

Bildeserie:

Så var det besøk om bord i nye Røttingøy. (Foto: Søre Øyane skule)
Ingen brydde seg om at det var litt vått vêr på måndag. (Foto: Søre Øyane skule)
Fleire stilte opp for å hjelpa skulen med å få elevane på fisketur. (Foto: Søre Øyane skule)
Klar til å dra garn. (Foto: Søre Øyane skule)
Fangsten blei fantastisk! (Foto: Søre Øyane skule)
Alle fekk vera med å greia garna. (Foto: Søre Øyane skule)
Så var det sløying. (Foto: Søre Øyane skule)
Delar av fangsten blei det nydeleg fiskesuppe av. (Foto: Søre Øyane skule)
Med ein torsk under armen ... (Foto: Søre Øyane skule)
Steinbit blei det også på stampen. (Foto: Søre Øyane skule)
Så var det besøk om bord i nye Røttingøy. (Foto: Søre Øyane skule)
Ingen brydde seg om at det var litt vått vêr på måndag. (Foto: Søre Øyane skule)
1 av 10
Ingen brydde seg om at det var litt vått vêr på måndag. (Foto: Søre Øyane skule)
Fleire stilte opp for å hjelpa skulen med å få elevane på fisketur. (Foto: Søre Øyane skule)
Klar til å dra garn. (Foto: Søre Øyane skule)
Fangsten blei fantastisk! (Foto: Søre Øyane skule)
Alle fekk vera med å greia garna. (Foto: Søre Øyane skule)
Så var det sløying. (Foto: Søre Øyane skule)
Delar av fangsten blei det nydeleg fiskesuppe av. (Foto: Søre Øyane skule)
Med ein torsk under armen ... (Foto: Søre Øyane skule)
Steinbit blei det også på stampen. (Foto: Søre Øyane skule)
Så var det besøk om bord i nye Røttingøy. (Foto: Søre Øyane skule)

Øyakrabbane får det ikkje berre inn med morsmjølka, dei siste åra har god, maritim opplæring også vore del av skuleåret for elevane i Øyane.

– Temadagane er eit samarbeid mellom skule og foreldreutvalet (FAU) der fleire foreldre og deira slekt og kjente stiller opp for ungane for å laga eit godt og variert innhald, seier rektor Elin Skaatun.

Elevane har snekra teiner, trekt garn, sløya fisk, ete fiskesuppe, besøkt oppdrettsanlegg og ringnotbåten Røttingøy, fiska frå land og frå båt, hatt ein lett-versjon av båtførarprøven og fått demonstrert redning av redningsskøyta "Bjarne Kyrkjebø".

– I dag er det praktisk miljøarbeid i form av rydding av boss i strandsonen, særleg på dei populære strendene på Kobbavågen, fortel Skaatun.

Overraskande god fangst

Foreldre og kjente har stilt opp med båtar for å ta elevane med på sjøen.

– Vi er svært takksame for at så mange stiller opp, og for at dei er så flinke med elevane og med å læra frå seg litt av det dei kan, seier rektor.

Flinke folk har ofte flaks, og sånn blei det desse dagane.

– Fangsten blei veldig god, til og med dei vaksne blei overraska då den eine feite torsken etter den andre blei drege om bord. Eg trur det blei 7 kilo med filet første dagen, i tillegg fekk vi blant anna ein fin steinbit.

Med FAU-leiar som er utdanna kokk blei det ei delikat fiskesuppe elevane fekk til lunsj tysdag.

Mor starta badesesongen

Mesteparten av programmet har vore i skuletida, men tysdag ettermiddag var det i tillegg eit innslag i 18-tida.

– Redningsskøyta "Bjarne Kyrkjebø" kom til kai og hadde omvising om bord og demonstrering av sløkking og redning.

– Vasskanonane var veldig populære. Det var også kjekt at ei mor, som resultat av eit veddemål, stilte opp som markør då redning skulle demonstrerast.

Mora måtte starta badesesongen litt tidleg, rett nok i tørrdrakt, så mannskapet på Bjarne Kyrkjebø fekk visa korleis dei fekk forliste folk opp frå sjøen.

Utvida kurs for dei eldste

Ved sidan av mykje action har elevane også fått innføring i sjøvettreglar.

– Dei eldste elevane, alle 7. klassingane, har fått utvida teorietisk opplæring. Her har Hargun-skipper Rune Garvik og eks-rektor ved skulen, Arvid Varpe, stilt opp og tatt ein light-versjon av båtførarprøven med elevane.

– Elevane er ikkje gamle nok til å ta båtførarprøven, men dei er gamle nok til å kjøra båt av visse storleikar, så dette er nok kunnskap som kjem godt med for mange.

I dag har 7. klassingane eksamen medan dei yngre elevane er ute og ryddar fjørene i Øyane.

– Kanskje er det ikkje berre elevane som får noko igjen for desse maritime vekene frå år til år, det skadar nok uansett ikkje rekrutteringa til fiskenæringa, for vi har det veldig kjekt, seier rektor Elin Skaatun.

Les òg: Tatt på Tongane
(Elevar med maritim fantasiutstilling på Vedholmen Galleri)

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.