Fire ettersøk på éin dag
– Folk bør varsla om dei ser dyr som haltar.
Måndag i 20-tida kom det melding om nok eit møte mellom hjort og bil på Byvegen nær Gymnasvegen.
– Hjorten hadde kome frå Banktjørn før den prøvde å kryssa bilen. Dyret stakk frå staden, bilførar blei igjen til han hadde forklart meg kvar hjorten stakk, fortel viltkontakt Espen Andersen.
I november kom den tredje påkøyrsla i same område på éi veke.
Då låg hjorten å sprella under bilen (åtvaring; blodig bilde).
Blei ikkje funnen
Søket blei Andersen sitt fjerde denne dagen.
– Det har vore to ettersøk etter jakt, og to etter møte med bil.
Han søkte frå Byvegen til Sveo, og langs Bankttjørn, til klokka var over 22 om kvelden.
– Eg såg fem hjort på toppen av Sveo, men eg kom aldri nær nok dyret som hadde blitt påkøyrd til å seia om det er skadd eller ikkje.
– Kanskje går hjorten rundt med knekt fot. Om noko ser skadde dyr bør dei varsla politiet, som i så fall tar kontakt med meg eller andre viltkontaktar, seier Andersen.