Fire medaljar til Are Strønen

Bildeserie:

1 av 3

Are Strønen tok to gull, sølv og bronse i 8. og siste noregscup i år, som blei arrangert på Inside Rock Café i Bergen.

Frode Veim Haugland (-90 kg) vann med både høgre og venstre i tillegg til å stikka av med sigeren i open klasse.

– Eg måtte stå over open klasse denne gong, det var meir enn nok å delta i dei to andre, seier Are.

– Gav meirsmak

Are har trent lite dei siste seks åra, men er innom handbakklubben sine økter på Sprek og Blid cirka ein gong i månaden.

– I år har eg berre deltatt på 3 av 8 noregscupar, ein av dei var NM, der finalen blei sendt direkte på NRK. Då taote eg finalen, no fekk eg slått han eg tapte for i NM.

Også i førre noregscup blei det siger med begge armar i tyngste master-klasse på kjempen frå Strøno.

– Denne noregscuprunden gav meirsmak, eg håper eg får deltatt på fleire rundar neste år. Då har eg gjerne også sjanse til å ta samanlagtsigeren.

13 medaljar til 9 deltakarar frå Os

Os Håndbak Klubb stilte med 9 deltakarar og tok 13 medaljar.

Eivind Bøe Johannessen tok gull med begge armar i senior - 100 kg.

Dan-Jarle Køhler Raustein deltok i sin andre noregscup i år. I Odda tidlegare i år blei det siger, i helga blei det sølv med høgre arm i - 70 kg.

– Eg trener ikkje for tida, men måtte vera med då det var i Bergen.

Lars Holen deltok i master +95 kg. Der tapte han berre for lagkamerat Strønen. Dermed blei det sølv med høgre og bronse med venstre.

Ronny Risøen tok bronse i tyngste seniorklasse (+110 kg).

I tillegg deltok Henrik Monsen (+110 kg), André Vollan (-110 kg) og Arne Thuen i årets siste noregscup.

65 år gamle Arne stilte ikkje mot gamlingane i masterklassen denne gong, men brynte seg i senior -90 kg. Det blei ingen medalje, men ein del god bryting på den tidlegare verdsmeisteren.