Lokal | 20. feb. 2012
Fire prikkar på ferskt førarkort
Han fekk førarkort i januar, no er han halvvegs til fotgjengarstatus igjen.
Kjetil Vasby Bruarøymåndag 20. feb. 2012 10:43
Å kjøra fort kan kosta dyrt, spesielt om førarkortet ditt er ferskt. I prøvetida er det dobbel straff.
– Han fekk fire prikkar på førarkortet, seier politioverbetjent Terje Sperrevik om guten som blei målt til 65 km/t i 50-sona i Hegglandsdalen i helga.
Med til saman åtte prikkar på tre år blir førarkortet beslaglagt.
Den unge bilføraren får også eit gebyr på 2900 kroner. 1 km/t høgare fart og gebyret hadde auka til 4200 kroner.
– Vi har fått ein del klager på høg fart i Dalen, og prøver å følgja, seier Sperrevik.