Flaumvarsel og stengt veg
NVE varslar flaum, Yr melder 69 mm (!) nedbør laurdag og Os kommune stenger Søvikåsen.
Fredag sendte NVE (Norges vassdrags- og energidirektorat) ut flaumvarsel for Hordaland og Rogaland.
"Mye vann i bakken, kombinert med intens nedbør, gir økt sannsynlighet for jordskred. Dette gjelder spesielt i terreng med bratte skråninger, og langs elver og bekker med stor vannføring" skriv NVE.
– Som følgje av varselet stenger vi Ole Bulls veg over Søvikåsen. Bommane går ned i ettermiddag, seier teknisk sjef i Os kommune, Haldor Fosse til Midtsiden.no.
Yr.no melder 12-19 mm nedbør å dagtid fredag, 10-17 mm i kveld. For laurdag melder Yr heile 69 mm nedbør i Os.
Storm.no er rimeleg samstemt melder 58,5 mm nedbør laurdag.
Søndag og måndag skal bli noko tørrare, men det er meldt nedbør i form av regn kvar dag gjennom heile neste veke.
Det er for tida flo i 6/18-tida, men det er ikkje meldt spesielt høg flo desse dagane.