Fleire bilinnbrot
Stal skilt frå bil på Søre Neset, braut seg inn i to bilar på Solstrand. Skadeverk på bil i sentrum.
Politiet fekk i helga fleire meldingar om innbrot i bilar.
- På Søre Neset blei skilta stole frå ein bil.
- I tillegg har dei rota eindel inne i bilen og tatt med seg noko verkty, fortel politioverbetjent Terje Sperrevik om innbrotet laurdag/natt til sundag.
Laurdag fekk også to bilar parkert ved Solstrand ubedne gjester.
- Er det ein samanheng mellom innbrotet på Søre Neset og dei to på Solstrand?
- Det er det for tidleg å seie noko om, men vi ser alltid etter linkar mellom lignande saker.
Ønskjer tips
Sperrevik fortel at dei tidlegare i veka fekk inn ei anmelding av skadeverk på ein bil parkert nedanfor Os ungdomsskule.
- Måndag 6. februar har nokon knust bakruta på ein bil som sto parkert der.
- Om det er nokon som å opplysningar, eller som har sett noko, er vi svært interessert i at dei kontaktar oss, avsluttar politioverbetjenten.
:Lensmannskontoret når du på 56 30 39 00.