Fleire frå Os tatt ut på kretslag

Fire jenter og éin gut, spelarar frå både Os, Lysekloster og Nore Neset, er tatt ut på kretslaga som i går blei publisert på fotball.no.

I tillegg er ein osing som no speler for Fyllingsdalen med.

Uttaket gjeld troppar i tre årsklassar, gutar og jenter fødd i 2001, 2000 og 1999, til kretstrening éin dag i veka gjennom vinteren.

To i den yngste troppen

I yngste klasse er to spelarar tatt ut, Ole Martin Lekven Kolskogen frå Os Fotball og Madelen Koldal Holme frå Lysekloster.

Madelen er fødd i 2002, men har spelt med eldre lag og no også tatt ut på kretslaget i årstrinnet over.

Madelen har vore med å ta bronse i Sognefjord Lerum Cup med Lysekloster J13, Ole Martin, som også stort sett har spelt opp ein årsklasse, tok gull i Dana Cup med Fyllingsdalen G13 og vann serien i 1. divisjon med Os G14.

Tre i den eldste

I 2000-årgangen er det ingen kretslagspelarar frå klubbane i Os kommune, men 2000-spelar Harry Moore, som no speler for Fyllingsdalen, er tatt ut.

I 99-troppen er det tre. Alle er jenter.

I tillegg til Anne Fjeldstad og Andrine Døsen frå Os Fotball er keeper Emilie Askvik Bøe frå Nore Neset med i troppen.

Treninga med kretslaga startar måndag og tysdag i neste veke.

Les òg: Nysatsing på dame- og jentefotball i Os