Politi | 09. mars 2023

Fleire kontrollar og uhell på ferskt vinterføre

Fleire uhell og kontrollar - eitt beslag av køyretøy.

Fleire kontrollar og uhell på ferskt vinterføre
UP hadde kontroll ved Vognhallen i Mobergsbakken i 20.30-tida i går. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 09. mars 2023 09:54

Onsdag klokka 09.07 fekk politiet melding om bil på havarilomme i Lyshorntunnelen. Vegtrafikksentralen blei varsla og bilbergar bestilt.

Klokka 14.50 fekk politiet melding om køyretøy med stans på Halhjemsvegen rett etter rundkøyringa retning Os.

– UP dirigerte trafikken. Det står ikkje notert kva som var årsaka til køyretøystansen, fortel politioverbetjent Anne Lyssand.

Det snødde tett i Os i går ettermiddag, og det blei fleire problem i trafikken. Frå Halhjem mot Bjørnen hamna ein buss på tvers, noko som skapte utfordringar for fleire bilar og bussar.

Buss på tvers: Det hopa seg opp med bilar og bussar ut mot Bjørnen i går. (Lesarbilde, foto: Maria Lind Olsen)
Buss på tvers: Det hopa seg opp med bilar og bussar ut mot Bjørnen i går. (Lesarbilde, foto: Maria Lind Olsen)

I 15-tida glei ein buss av vegen ved Lysekloster-ruinane.

Vegen blei stengt fram til klokka 16.

Bergingsbil nærmar seg, her nær avkøyrsla til Langedalen. Bussen står nærmare kloster-ruinane. (Foto: Susann H. Børnes)
Les ògBuss av vegen i Lysefjorden

Samtidig var det fleire som hadde problem på Hjelle.

– Rundt 5 til 7 bilar har problem med å koma seg opp bakken, sa tipsar.

Tok beslag i bil

Klokka 18 bisto politiet i Os kollegaer i sør-vest med å ta beslag i ein bil.

– Bilen sto i Os sentrum i ein allereie oppretta sak i Bergen.

– Bergingsbil blei rekvirert og bilen blei transportert vekk.

UP hadde to kontrollar

Klokka 14.15 var det promillekontroll på Halhjem ferjekai.

Der var det 16 kontrollerte og ingen reaksjonar.

I 20.30-tida var det åtferdkontroll (mobilbruk og bilbelte) i Mobergsbakken ved Vognhallen. Heller ikkje der fann utrykningspolitiet noko å reagera på.

I 19.30-tida fekk politiet melding om laus hund utan band på Halhjem. Eigar blei funnen.

Bonden og hjelparar grov grøft for å hindra spreiing. (Foto: Bjørnafjorden brann og redning)
Les ògStor gylle-lekkasje frå gard på Grindavoll

Klokka 19.42 kom det melding om lekkasje frå ein gyllekjellar på Grindavoll.

Politi og brannvesen var på staden.

– Vi har oppretta sak som handlar om brot på forureininglova, seier Lyssand.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.