Bilen trilla frå ein eigedom over Søvikvegen og utfor ein fjellskrent før den landa loddrett i Søvikvegen. (Foto: Kjetil Vasby Bruarøy)

Fleire som fekk seg ein støkk

Bil utan førar hamna loddrett i grøfta.

Av: Kjetil Vasby Bruarøy

Tysdag ein gong før klokka 20.30 hamna ein bil i ei grøft over Søvikvågen i Lysefjorden.

– Bilen sto parkert på eigedomen over Søvikvegen før den byrja å rulla, opplyser politiet på staden.

Truleg var handbrekket gløymd eller ikkje drege hardt nok opp.

Det var ikkje folk i bilen og ingen blei skadd då den hamna utfor fjellkanten og ned i vegen.

– Sto i ro i minst ein halvtime

Mannen som hadde sett frå seg bilen fortel at bilen sto i ro då han gjekk frå den.

– Det gjekk minst ein halvtime før den byrja å trilla. Eg såg det ikkje sjølv, for eg var hos ein kamerat, men naboane fekk det med seg.

Visste ikkje om det var folk i bilen

Ein av naboane fortel at dei var fleire som fekk med seg at bilen trilla ned bakken, gjennom eit gjerde og høyrde braket då den trefte bakken.

– Vi visste ikkje om det var folk i bilen, så vi sprang etter den. Den kunne jo ha truffe fotgjengarar i vegen, eller ein bil.

– Det var ein bil som var ganske nær då den landa i Søvikvegen, men heldigvis blei ingen skadd, seier naboen.

Vegen har vore open heile tida, men blir nok stengt akkurat mens bergingsbil skal få den på plan.

Fleire saker

  • Fekk mykje å jubla over

    22. juli 2018

    Lysekloster starta svakt mot Stord, men så slo den etterkvart berømte ketsjupeffekten inn.

  • Gøymde seg på taket

    22. juli 2018

    Oppdatert: To menn i 20-åra tok seg opp på taket på Hamnechefen. Den eine prøvde å gøyma seg for politiet då dei kom. Eigaren fann narkotika.

  • Tre har mista lappen på kort tid

    22. juli 2018

    Torsdag tok politiet for tredje gang på kort tid beslag i eit førarkort ved den nye Spar-butikken på Kloppamyra.

  • Tok skilta til gjengangar

    21. juli 2018

    Politiet klipte skilta på ein bil i Hegglandsdalen laurdag då føraren fleire ganger hadde køyrd utan lov.

  • Her blir podtellet levert

    21. juli 2018

    Bildeserie: No kan du overnatte i hamna uten å bli sjøsjuk av bølgene. – Eg reknar med at vi opnar måndag, seier Hans Parnefält.

  • Villaksen har «stempla inn» i fjorden

    21. juli 2018

    Lyttebøyar i fjorden avslører smolten frå Oselvo si vandring. 

  • Tørke, mattryggleik og jordvern

    21. juli 2018

    Lesarinnlegg: Tørkekrisa viser til fulle kvifor det er viktig å verna om matjorda vår, skriv Gisle Hesjedal.

  • – Blei dårleg då eg såg det

    20. juli 2018

    Kommunen ber foreldre og "nabokjerringa" halde auge med og sjekke leikeplassen før dei sender ungane dit.