Fleire straumbrot i Os

Fredag morgon var det fleire som kom til stengt dør hos Rema 1000 Idrettsvegen. Rundt 200 abonnentar i området var utan straum.

– Feilen blei registrert klokka 07.51. Det er førebels uvisst kva som er årsaka, seier Anne Mette Tuvin frå BKK Nett.

Fleire kopla seg ut

I 8.30-tida forsvann den frå Hamnevegen, der blant andre Midtsiden har kontor, og Finnebrekka.

– No viser det seg at straumbrotet truleg har samanheng med gravearbeid i Os sentrum. Det er noko jordfeil i området og straumen koplar seg inn og ut nokre stadar.

Oppdatert: Straumen kom tilbake i Hamnevegen 40 klokka 08.44.

– Det er mogleg at straumnettet vil vera noko ustabilt mens vi driv vidare feilsøk og feilretting.

For oppdatert informasjon og kart sjå bkk.no/feil