Lokal | 30. nov. 2012

Fleire utforkjøringar fredag

Snø og glatte vegar har ført til minst tre trafikkuhell i Os fredag.

Fleire utforkjøringar fredag
Bilen hadde retning Strøno før den hamna utfor vegen nær Rolls Royce på Ulvensletta i ettermiddag. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyfredag 30. nov. 2012 18:55

Fredag i 18.20-tida kjørte ein bil i grøfta på Ulven.

Bilen hadde retning frå Os mot Strøno då den skar ut og landa sidelengs i ein lyktestolpe.

– Vi har ikkje fått melding om nokre ulykker i dag, så vi håper og trur at ingen er skadd, seier politibetjent Sindre Hallem.

Medan Midtsiden var på staden kom slektningar av føraren og fortalte at han var åleine i bilen då han kjørte utfor, og at han er uskadd.

– Falcken er på veg for å henta den.

På bakken på Storum

Mellom Hagavik Hjemmebakeri og Storum, ved avkjørsla til Ravneberghaugen, hamna ein annan bil utfor vegen i 17.40-tida i ettermiddag.

– Bilen sto utpå bakkane, men er i ferd med å bli taua opp på vegen igjen, fortel ein Midtsiden-lesar.

Også i Lepsøykrysset har det vore eit trafikkuhell i dag.

– Det låg ein velta moped på graset ved krysset, der du kjører ned mot Lekven, fortel ein annan tipsar til Midtsiden.

– Det er meldt meir snø og kulde i helga, kjør varsamt, åtvarar politiet.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.