Fleire vil på festivalcamp

Bildeserie:

1 av 7

Under det regntunge Osfest-debuten i fjor var det ikkje mange som tok telt eller campingvogn med til festivalen i Os sentrum.

I år er det annleis.

– Vi har rundt 10 telt i tillegg til nokre bubilar og ei campingvogn. Hyttene våre er også fullbooka, fortel Inger Botnevik frå Kuven Farm Camping.

– Det er kjekt med så mykje besøk. I år låner vi også ut selskapslokalet Mathiaskjellaren, og der sat det ein gjeng og spelte gitar for ei lita stund sidan.

Kurt og Morten lokka

Campingplassen er offisiell festivalcamp og blant gjestane er det stort sett bergensarar og gjestar frå Nordhordland og Voss.

– Vi gler oss mest til Kurt, men vi skal ned i dag òg. Vi synest det er eit bra program, seier Trond og Hilde Andersen frå Landås.

Bjarte og Anne frå Bergen har kvar sine favorittar, Kurt og Gabrielle og Morten Abel og Elvira Nicolaisen.

– Har mange favorittar

Kameratgjengen Alexander Tripodianos, Sondre Eknes og Simen Rydland frå Frekhaug bryr seg ikkje fullt så mykje om programmet på scenen.

«Kim Larsen», foreslår han eine, men blir korrigert av kameratane.

– Vi var også på Tysnesfest, så no var det berre å få fram campingutstyret igjen. Det er ein fin campingplass, men det skulle gjerne vore endå meir festing her, meiner dei.

Ein venegjeng frå Bulken i Voss kommune kom med campingbil.

– Det er så mange gode artistar at vi vil ikkje nemna favorittar, seier Liv Vatne på vegne av veneflokken Therese Iren Pedersen, Erik Lunde, Stian Nestås og Tor-Ivan Øyeflaten.