Grease i Oseana

Flott Grease-show i Oseana

VIDEO: Korps, vokalistar og dansarar leverte ein strålande Grease-konsert for full sal i Oseana søndag.

image
image
image
image
image
image
image
image
image
image
Av: Kjetil Vasby Bruarøy

I går var det tid for Os og Kuventræ skulekorps sin årlege storkonsert i heimbygda. Med seg hadde dei Midtun skole musikkorps og oppvarminga blei kjørt i Fana Kulturhus laurdag.

SJÅ VIDEO NEDST I ARTIKKELEN

– Det gjekk veldig fint i Fana, og i Oseana hadde vi endå større publikum, med godt over 400 selte billettar, seier Ruth Elin Midtbø frå Os og Kuventræ skulekorps.

Les òg: Grease med Eirik og Gina

Rundt 75 musikarar frå hovudkorpset og 24 aspirantar og juniorar, som deltok på nokre av låtane, blei det full trøkk i Oseanasalen.

– Sjølv om vi hadde komp så hadde vi for eksempel ikkje piano, så korpset måtte i større grad bera melodiane. Men dei har vore veldig flinke og engasjerte med øvingane, som starta med seminar der vi såg Grease-filmen saman, fortel Ruth Elin.

Konserten var supplert med dansarar frå Patricia Langeland si gruppe i Os kulturskule og vokalistane Gina Aspenes og Eirik Søfteland. Men korpsa stilte også med vokalistar, Eirin Aga og Birk Aigner - og eigne konferansierar i ulik alder.

VIDEO (02:37): Grease-framsyning i Oseana søndag 18. november 2012, med Os og Kuventræ skulekorps og Midtun skole musikkorps. På vokal, Eirik Søfteland og Gina Aspenes. (Foto: Kjetil Vasby Bruarøy, midtsiden.no)

 

Fleire saker