Flyttar den tradisjonelle morgonkonserten

I år som fleire år før har Kongshaug Musikkgymnas julekonsertar i Os kyrkje.

Programmet dei skal framføra to gongar laurdag blir også i år servert i komprimert form gratis på fredagen.

Sjå video frå julekonserten i fjor:

Les ògPå morgonkonsert med Kongshaug

Men det blir ikkje på morgonen, slik det har vore tidlegare år.

– Morgonkonsertane har vore populære, men av ulike årsaker blir det i staden «skumringskonsert» i år, fortel Anne Berit Hodne frå Kongshaug.

Fredagskonserten startar klokka 16.30 i staden for på morgonkvisten. Konsertane laurdag blir spelte klokka 16 og 19.

– Skulekoret med solistar står også i år sentralt, men vi har i tillegg med andre ensemble og instrumentalistar. Programmet vil innehalda både kjente og mindre kjente julesongar, og vi trur det vil bli ei god oppleving for publikum, seier Hodne.

Gratiskonserten fredag varer i rundt 45 minutt, konsertane laurdag er noko lengre.