Os-treffet sette rekord med 102 utstilte bilar i fjor, trass regnvêr. I år er treffet flytta til AMFI Os, og vêrmeldingane er betre. (Foto: KVB)

Flyttar Os-treffet til Amfisenteret

– I fjor hadde vi regn, men ny rekord. I år blir kanskje treffet endå større, seier Dag Andersen frå Os Amcarklubb.

Av: Kjetil Vasby Bruarøy

Måndag 2. pinsedag er det tid for det tradisjonsrike Os-treffet. Etter 15 år ved Os vidaregåande skule er treffet no flytta til Amfisenteret.

– Plassen ved skulen var dessverre opptatt i år, men så fekk vi heldigvis ein fantastisk mottaking då vi spurde AMFI Os om å ha treffet der, seier Andersen.

Amcarklubben vil stilla ut på nordsida mot Gudrihaugen og vestsida mot Byvegen, der det òg kjem dragracebilar og hoppeslott.

Parkeringsplassen ved Baker Brun og Europris blir for gjestar og handlande hos COOP Extra.

– Vi har god dialog med kjøpmannen som har søndagsope. Folk skal kunna køyra innom og handla, samtidig blir det nok òg ein del handel frå oss utstillarar med gjestar, så vi trur det kan bli ein god dag for alle.

Regn og rekord

Os-treffet er til ein viss grad vêravhengig, men trass regnbyger i fjor blei det rekord med 102 utstilte bilar.

• Sjå bildeserie frå Os-treffet 2017 og video frå Os-treffet 2016

– Vi har både individuelle utstillarar og gjestar frå klubbar som Nordhordland, Haugesund, Askøy, Bergen og Stord, i tillegg til utstillarar frå eigen klubb.

I år er det meldt sol både 17. mai, pinsehelga og langt ut i neste veke.

– Gode vêrmeldingar og meir sentral plassering gjer at vi trur det kan koma ekstra mange utstillarar og publikum i år.

Hugs stemmeseddel - gløym sparkesykkel

Os-treffet har fri entré. Arrangørane har ambisjon om å få alle utstilte bilar ferdig parkert til klokka 11, og på tampen av dagen, i 14.30-tida, er det kåringar.

– Ein jury finn 1. og 2. plass i to kategoriar, personbil og pickup + van. Publikum finn vinnar i klassen «peoples choice».

Andersen håper mange tar turen innom sekretæriat/kiosk for å henta stemmeseddel. Dei ti som får flest stemmer går til finale, i finalen blir to og to bilar køyrde fram så publikum kan stemma éin av dei vidare til dei når topp 3, som får premie.

Amcarklubben er også eit anna ønskje til publikum.

– Utstillarane er redde for bilane sine, derfor slepp vi ikkje inn sparkesyklar eller vanlege syklar. Sett dette igjen heime eller i bilen, eller plasser det på utsida av sjølve utstillingsområdet, er Andersen si oppmoding.

Fleire saker

  • Fekk mykje å jubla over

    22. juli 2018

    Lysekloster starta svakt mot Stord, men så slo den etterkvart berømte ketsjupeffekten inn.

  • Gøymde seg på taket

    22. juli 2018

    Oppdatert: To menn i 20-åra tok seg opp på taket på Hamnechefen. Den eine prøvde å gøyma seg for politiet då dei kom. Eigaren fann narkotika.

  • Tre har mista lappen på kort tid

    22. juli 2018

    Torsdag tok politiet for tredje gang på kort tid beslag i eit førarkort ved den nye Spar-butikken på Kloppamyra.

  • Tok skilta til gjengangar

    21. juli 2018

    Politiet klipte skilta på ein bil i Hegglandsdalen laurdag då føraren fleire ganger hadde køyrd utan lov.

  • Her blir podtellet levert

    21. juli 2018

    Bildeserie: No kan du overnatte i hamna uten å bli sjøsjuk av bølgene. – Eg reknar med at vi opnar måndag, seier Hans Parnefält.

  • Villaksen har «stempla inn» i fjorden

    21. juli 2018

    Lyttebøyar i fjorden avslører smolten frå Oselvo si vandring. 

  • Tørke, mattryggleik og jordvern

    21. juli 2018

    Lesarinnlegg: Tørkekrisa viser til fulle kvifor det er viktig å verna om matjorda vår, skriv Gisle Hesjedal.

  • – Blei dårleg då eg såg det

    20. juli 2018

    Kommunen ber foreldre og "nabokjerringa" halde auge med og sjekke leikeplassen før dei sender ungane dit.