Lokal | 09. sep. 2019

Følgde ein litt for gamal tradisjon

Valdagen: Plakatane blei fjerna etter tips frå kunde.

Følgde ein litt for gamal tradisjon
Mannen var ute etter øl, men blei forseinka grunna denne lappen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 09. sep. 2019 14:26

Ein Coop-kunde reagerte då han i dag såg plakatar og gardin framfor ølboksane hos Coop Extra Osøyro.

– Det var lov å kjøpa øl på valdagen i 2017, og det er ope sal både på Vinmonopolet og på dei andre butikkane i Os, fortel kunden til Midtsiden.

Butikksjef Linda Veivåg fortel om påminnar via intranett hos Coop, men ringte til kjedekontoret etter tips frå kunden.

– Det er framleis enkelte kommunar som ikkje sel alkohol på valdagen, men i Os er det visst greit, seier Veivåg.

Før klokka 13 var det ned med plakatane og opp med gardina.

Endra lov frå 2015

Forbodet mot alkoholsalg på valdagen har overlevd mange rundar med liberalisering i alkoholpolitikken. Men i 2014 blei den endra, med verknad frå 1. januar 2015.

Det blei lov for Vinmonopolet å halda ope på påskeaften, pinseaften, nyttårsaften - og på valagen.

Daglegvarebutikkar kunne selja øl, men då måtte kommunen fatta vedtak først.

Skjenking av alkohol på valdagen har vore lov lenge, sidan 2005 har det òg vore lov å skjenka brennevin denne dagen.

Du treng heller ikkje vera edru når du stemmer, så lenge du ikkje uroar andre.

Kjelde: Aftenposten

Spennande? Vil du ha ukas høgdepunkt i innboksen?

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.