– Folk i «arabardrakt» tatt av Forsvaret

Tysdag fekk Midtsiden melding om at to personar i arabardrakt hadde stått og vifta på den eine brua i Øyane.

Desse skal så ha blitt tatt av Forsvaret, som stilte opp med seks menn med skotsikre vestar.

– Forsvaret har øving i området, fortel operasjonsleiar Lars Geitle ved Hordaland politidistrikt.

Måndag kveld rykte politiet ut til Øyane etter melding om skyting og roping på engelsk.

– Sjøforsvaret har øving som varer frå 20. til 27. november, seier orlogskaptein John Honningsvåg, som sjølv er på ferie.

– Ikkje heldig

– Dei kunne funne på noko anna.

– Å øva på aksjonar mot folk i denne typen antrekk er i desse tider ikkje heldig, spesielt ikkje nær ein barneskule, meiner ei mor frå Øyane som Midtsiden har vore i kontakt med.