Lokal | 16. juni 2014

Folkefest for Statsraaden

VIDEO: Sjå når Statsraad Lehmkuhl legg til framfor folkehavet på brygga ved Os Sjøfront.

Andris Hamremåndag 16. juni 2014 14:56

Bildeserie:

Statsraaden på veg inn med Sandholmane i bakgrunnen (foto: KVB)
Statsraaden på veg inn med Sandholmane i bakgrunnen (foto: KVB)
Ei stilig dame på fjorden (foto: KVB)
Ei stilig dame på fjorden (foto: KVB)
"Det ligg ei bygd...." runga på dekk (foto: KVB)
"Det ligg ei bygd...." runga på dekk (foto: KVB)
Erlend Slettevold feira det fine besøket med eit stup (foto: KVB)
Erlend Slettevold feira det fine besøket med eit stup (foto: KVB)
Medan Steinar Bøe gjekk i land – for nytt cruise måndag ettermiddag. (foto: KVB)
Medan Steinar Bøe gjekk i land – for nytt cruise måndag ettermiddag. (foto: KVB)
Mellom cruisa ligg Statsraaden til kai framfor Os Sjøfront (foto: KVB)
Mellom cruisa ligg Statsraaden til kai framfor Os Sjøfront (foto: KVB)
1 av 6

Endeleg fekk prosjektdirektør i Os kommune, Tor Inge Døsen, sin store draum oppfylt då den ærverdige dama, Statsraad Lehmkuhl, klappa til kai framfor Os Sjøfront måndag.

– Dette har vore ein draum for mange, men kanskje spesielt for Tor Inge, helsa ordførar Terje Søviknes (Frp) i solskinet.

Ordføraren nytta høvet til å ønska Statsraaden velkomen og minna samtidig om at dette berre var byrjinga av veka som markerer opninga av den offentlege promenaden frå Os sentrum ut til Oseana.

3 x cruise

Seglskute-besøket er eit ledd i ei ny satsing frå stiftinga Statsraad Lehmkuhl, kor dei vil koma seg meir ut blant kystbyane og bygdene på Vestlandet.

Os er blant dei første som får staseleg besøk.

Ho skal ikkje berre ligga til kai medan ho besøker Bjørnafjorden. På veg frå Bergen hadde ho med seg mange, både osingar og andre på formiddagscruise.

– Det var heilt fantastisk, god mat, god musikk og kjekke folk. Eg skal på cruise igjen i kveld, seier Steinar Bøe.

Måndag ettermiddag "mønstrar" om lag 350 på for å vera med på tur i skjergarden i Os før Statsraaden tysdag legg turen om Lysefjorden på veg tilbake til Bergen, igjen med gjestar ombord.

VIDEO: Sjå Statsraad Lehmkuhl klappa til kai ved Os Sjøfront på to minutter (Foto: Andris Hamre/Midtsiden.no)

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.