Bildeserie:
Etter to dager med med greitt besøk, men ikkje dei heilt store tala, tok det seg bra opp under marknadsdagane på Laurdag.
Dagen starta med eit par skikkelege regnbyger, men når regnet forsvann og sola kom, så kom også folket.
– Det blei bra dette, konkluderte sentrumsleiar William Lindborg på sin første marknadsdag som ny leiar.
36 antrekk
Klokka 13 var det tradisjonen tru moteshow på scenen på torget. I år med fleire antrekk og butikkar som deltok. På scene fekk osingane sjå klær frå Borg Vêr, Dysvik Clothing, Instinct og Madam Ane dandert med briller frå Bakketeig og sko frå Moberg sko.
– Det er vel 36 antrekk som blir vist fram i dag om eg ikkje tek heilt feil, fortalde Lindborg.
Ny på scenen i år var også Toppen Frisør, som hadde stelt ein frisk gjeng med ungar, før ein nyklipt Terje Hatvik tok over showet.