Førar stakk frå staden - bilen er utan skilt

Onsdag i 18-tida fekk politiet melding om utforkøyring i Langedalen.

Ein bil låg i grøfta, men det var ingen folk ved bilen.

– Bilen er uregistrert. Det er ukjent både kven som har køyrd bilen og kven som er eigar, seier politioverbetjent Atle Birkeland.

Politiet har sikra spor og tatt beslag i bilen.

Ingen andre køyretøy skal ha vore involvert i ulykka, men politiet kjenner til at førar av ein varebil skal ha sett utforkøyringa.

Politiet ber vedkomande, og eventuelle andre som kjenner saka, å ta kontakt.