Førarhuset knust
Utforkøyring på Hatvikvegen. Trafikken sto i begge retningar. Føraren blei henta med ambulanse.
Om lag klokka 13.20 fekk politi, ambulanse og brannvesen melding om at ein lastebil hadde kjørt av Hatvikvegen rett ovanfor krysset til Haugsneset.
- Føraren av bilen er bevisst og har fått på nakkekrage.
- Luftambulansen er varsla og er på veg, fortel politibetjent Thomas Juulseth ved Os lensmannskontor.
Førarhuset på lastebilen blei knust mot fjellveggen i ulykka. Politiet stadfestar at det kun var lastebilen som var involvert i hendinga.
Trafikken sto i begge retningar medan redningarbeidet pågjekk.
Det er førebels uvisst kva som forårsaka utforkøyringa, men det skal ha vore glatt på staden ifølgje vitne.
Om lag klokka 15.15 blei den skadde lastebilen fjerna frå ulykkesstaden ved hjelp av Viking.