Lokal | 21. aug. 2019

Førarkortbeslag etter kollisjon

Fleire vitne fekk forklart seg etter kollisjonen mellom ein bil og ein motorsykkel på Hatvikvegen i går.

Førarkortbeslag etter kollisjon
MC-førar blei henta av ambulanse, men kom uskadd frå samanstøyten. (Foto: KVB)
Kjetil Vasby Bruarøy
Kjetil Vasby Bruarøyonsdag 21. aug. 2019 07:59

Tysdag i 15-tida var det ein kollisjon mellom ein motorsykkel og ein bil i krysset mellom Hatvikvegen og Hegglandsdalsvegen.

– MC-førar, ein mann i starten på 20-åra, blei frakta til legevakt med ambulanse. Eit familiemedlem ringte oss etterpå for å seia ifrå at han var uskadd, og at vi kunne fortelja dette vidare til bilførar. Det var ein fin tanke, synest politioverbetjent Anne Lyssand.

Kollisjonen skjedde då ein bil på veg frå Os skulle svinga ab Hatvikvegen og inn på Hegglandsdalsvegen. Ein motorsykkel kom imot, retning frå Hatvik til Os, og dei to kolliderte.

– Bilen hadde vikeplikt. Det er tatt beslag i førarkortet til bilførar, ein mann i slutten av 20-åra.

Begge dei involverte er frå Os. Ingen av dei hadde promille. Det er heller ikkje mistanke om at motorsykkelen har hatt høg fart.

– Vi fekk gode skildringar av hendinga frå vitne på staden, fortel Lyssand.

Buss-trøbbel i Lysefjorden

I og rundt Sperrevik blei det frå klokka 16 lange køar i fleire retningar i over ein time i går ettermiddag.

Årsaka var at ein buss havarerte i krysset mellom Lyseklostervegen og Sperrevikvegen.

– Bussen skal ha hatt teknisk svikt i trykkluftsystemet, noko som gjorde at bremsane låste seg. Bussjåføren kan ikkje klandrast, så vi har heller ikkje oppretta sak.

Det var 47 passasjerar om bord i bussen då den stoppa i krysset og sperra vegen i begge køyreretningar.

Tide sendte bergingsbil og ny buss for å henta passasjerane.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.