Politiet fekk melding om ubehageleg hending mellom ei jente og ein mannleg bilist onsdag morgon. (Ill. foto: KVB)

Foreldre reagerer etter jente fekk tilbod om skyss

Bilførar skal ha insistert. Politiet ber vedkomande ta kontakt.

Av: Kjetil Vasby Bruarøy

Politiet fekk i går melding frå foreldre om noko dottera opplevde som ubehageleg.

– Ho sto på busstoppet på Byvegen ved Amfisenteret, på veg til skulen om morgonen, då ein mannleg bilist stoppa og spurde om ho ville sitja på, fortel politioverbetjent Anne Lyssand.

Jenta, som er i ungdomsskulealder, takka nei.

– Bilførar skal ha insistert. Jenta sa at ho venta på ei venninne, men ikkje før ho tok opp telefonen sin for å ringa, skal han ha køyrd frå staden.

Bilen blir skildra som ein mørk elbil, bilførar som etnisk norsk og truleg mellom 30 og 40 år.

Politiet ber bilførar ta kontakt.

Fleire saker