Lokal | 29. sep. 2015

Første spadetak i Os

Video: Ordførar Terje Søviknes takka alle politikarane i Os som har jobba med ny veg til Bergen dei siste åra før han i dag tok første spadetak ved Svegatjørn.

Kjetil Vasby Bruarøy
Kjetil Vasby Bruarøytirsdag 29. sep. 2015 15:10

Bildeserie:

Henrik Nordahl-Pedersen (t-h-) har støyisolert fem hus på Svegane før byggestart. (Foto: KVB)
Mange møtte fram ved Ulvenparken i dag. (Foto: KVB)
Også næringslivet var representert. (Foto: KVB)
Helge Eidsnes. (Foto: KVB)
Erlend Bygnes. (Foto: KVB)
Første spadetak. (Foto: KVB)
(Foto: KVB)
Gustav junior tok andre spadetak. (Foto: KVB)
(Foto: KVB)
Henrik Nordahl-Pedersen (t-h-) har støyisolert fem hus på Svegane før byggestart. (Foto: KVB)
Mange møtte fram ved Ulvenparken i dag. (Foto: KVB)
1 av 9
Mange møtte fram ved Ulvenparken i dag. (Foto: KVB)
Også næringslivet var representert. (Foto: KVB)
Helge Eidsnes. (Foto: KVB)
Erlend Bygnes. (Foto: KVB)
Første spadetak. (Foto: KVB)
(Foto: KVB)
Gustav junior tok andre spadetak. (Foto: KVB)
(Foto: KVB)
Henrik Nordahl-Pedersen (t-h-) har støyisolert fem hus på Svegane før byggestart. (Foto: KVB)

Bygginga av E39 Svegatjørn-Rådal er i gang etter at første spadetak blei tatt i Rådal 3. september.

Denne veka byrjar bygginga frå Os-sida, ved Svegatjørn, og i dag fekk vi ei eiga markering i heimbygda.

Sjå video frå heile sermonien i vindauget ovanfor (Midsiden beklagar noko dårleg lyd grunna vind)

Regionvegsjef Helge Eidsnes i Statens vegvesen og distriktsjef Terje Bygnes i Veidekke heldt tale før ordet og spaden blei gjeven til ordførar Terje Søviknes.

Verdt ventetida?

Det har blitt gjort mange nummer av prosjektet, som blir kalla det vegprosjektet i Noreg med lengst planleggingstid.

– Kanskje har det vore verdt ventinga, å dobla frå to til fire felt og frå eitt til to tunnellaup, sa Eidsnes.

– Dette blir viktig for osingane, bergensarane og heile regionen, prosjektet er første trinn i det overordna målet, å halvera reisetida mellom Bergen og Stavanger, la han til.

Utfordringane vi ikkje veit om

Bygnes frå Veidekke fortalte om korleis jubelen sto i taket då dei fekk det som er Noregs største vegkontrakt til no.

– Prosjektet skal også gjennomførast, og det vil koma ulike typar utfordringar, både dei vi veit om og dei vi førebels ikkje kjenner.

– Både internt i vår organisasjon, ovanfor oppdragsgjevar, lokalsamfunnet og enkeltmenneske er det viktig at vi bygger opp tillit og respekt, og at vi løyser desse utfordringane på lågast mogleg nivå, på best mogleg måte.

Alle som ikkje gav opp

Søviknes gledde seg over godt frammøte, både frå vegvesenet, Veidekke, leiinga i Os, næringslivet og andre.

– Det har tatt tid og det har kosta mange arbeidstimar for mange personar. Eg vil takka alle som har jobba med å få ny veg til Bergen alle desse åra, sa Søviknes, før han drog ein anekdote om bergensarar som fekk overtak i slåstkamp på dans i Os.

– Då spurde dei; «Gir du deg eller e' du osing». Eg vil takka alle som ikkje har gjeve opp, utan den årelange kampen hadde vi ikkje hatt byggestart her i dag.

Midtsiden samleside: E39 Svegatjørn-Rådal

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.